《始终难成大器的「波牛」

2020-05-27 20:25:01 来源:信息报道392人评论

《原创文章 欢迎转载 请列明出处 谢谢》-请支持蓝狮 Facebook专页-《始终难成大器的「波牛」 按此观看图片 巴克利,一个好早成名但一直上都唔到大枱既球员,由爱华顿转投车路士初期被外界冠以「水货」之名,到上任领队沙利接掌后获得一段3场3入球3助攻既记录,曾经以为能够为巴克利既职业生涯重新注入动力,可惜一切似乎都只係虚火,喺足球进程上停滞不前之下新任主帅林伯特能否打救哩位「8号」接班人呢?巴克利自加盟蓝军后跟过干地同沙利两位领队,喺干地手中既英格兰人其实得到非常之少机会,就算有得比佢落都唔係打比较擅长既攻中位置,职责上亦要参与防务工作,再加上断断续续嘅伤患都未能根治,令巴克利既状态非常低迷;而喺沙利挥下所安排哩位「8号」喺场上既位置就较为适合佢去发挥,主要负责进攻端上既工作,加上算係係阵中少有远射能力既中场球员,令巴克利喺过去哩个球季录得5个入球6个助攻既数字。不过哩位英格兰中场既缺点其实都相当明显,基本上每场波都见到佢会比人拍甩波既情境出现,係讲紧无论係喺车路士定係英格兰国家队都有同样画面,仲要好多时係喺一啲相当危险既位置,同时佢个人较偏好上脚,好多时将个波推左去啲死位度,拖垮左球队成个攻势同节奏,因而被唔少球迷称呼佢为「波牛」。而身为佢既后辈,讲紧既就係细两年兼係同乡既路夫斯捷克,由于两者喺场上位置同球员特性方面都比较类近,难免令外界会将两者直接互作比较,但无论喺持球推进上同技术层面方面「龙虎切」都比起巴克利踢得较为成熟,加上前者係蓝军自家本土青训出品,路夫斯捷克有一种后来居上既感觉,如果唔係因为今季长期受背伤所困扰,理应佢会比巴克利得到更多既上阵机会。本身车路士阵中既英格兰人并唔多,喺上任队长加利卡希尔离队过后英人席位又少一人,同时受转会禁令所影响,相信球队都唔会选择放走球员尤其係本土户,而喺林伯特既战术体系之下能否为巴克利重生?相信要先留待到热身赛作观察再落定论,不过可以肯定既係林伯特自己都唔希望见到哩位「8号」接班人继续走下坡落去。巴克利,相信今次会係你既最后机会黎喇...文章发表时间 : 12/7/2019 11:15文章最后更新时间 : 12/7/2019 11:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

最新图文推荐