强「线」进军耳机界Campfire Audio Lyra

2020-07-08 21:25:36 来源:发布热点352人评论

强「线」进军耳机界Campfire Audio Lyra

耳机品牌选择愈多,对用家嚟讲永远都係好事。今次介绍嘅新进品牌Campfire Audio係知名线材厂商ALO Audio旗下嘅分支,有玩开换线耳机嘅朋友应该有听过佢哋嘅名字。正因为咁,所以Campfire Audio首款耳机Lyra选以售价逾千嘅ALO Tinsel MMCX线加持,并配以台湾特製陶瓷外壳,正式进军耳机呢个极具竞争力嘅便携音响市场。

讲到耳机线已值过$1,000呢一点,聪明嘅读者或者都估到Lyra唔会平得去边。当中标价$6,000有找,因此都赋以精细、足料嘅外形造工,陶瓷外壳摸上手唔会话感觉好胶,而且耳机线外层以FEP(氟化乙烯丙共聚物)呢种耐磨物料包围,令线身更强韧之外,亦不易因汗水影响而氧化变绿,而且MMCX接头比坊间同类线材实净得多,实试要花足十数分钟先可以remove线材,若用家如果唔太需要成日换线,完全唔需要担心一般MMCX线会容易出现接点接触不良嘅通病。唯独係线身偏硬,初戴时要多啲时间调整线材弧度先可以fit晒耳背位,但幸而人体工学嘅耳机外殻设计,令用家佩戴时都够贴耳,整体设计都算得上考虑过用家佩戴需要。

强「线」进军耳机界Campfire Audio Lyra
◆ Campfire Audio Lyra强「线」进军耳机界Campfire Audio Lyra
◆ 採用台湾特製陶瓷外壳,观感简洁强「线」进军耳机界Campfire Audio Lyra
◆ 8.5mm铍製动圈单元,有助提升高音表现强「线」进军耳机界Campfire Audio Lyra
◆ 挂耳式设计令佩戴更稳定,不过线身颇硬,初戴时需要多啲时间调整强「线」进军耳机界Campfire Audio Lyra
◆ 起用可换线设计,不过当中MMCX接头几坚固,唔易remove强「线」进军耳机界Campfire Audio Lyra
◆ 耳机线中间设有索扣可索紧线材强「线」进军耳机界Campfire Audio Lyra
◆ 耳机线为价值超过$1,000的ALO Tinsel线,够晒落本强「线」进军耳机界Campfire Audio Lyra
◆ 皮革便携盒造工精美强「线」进军耳机界Campfire Audio Lyra
◆ 打开仲可见柔软羊毛内栊,唔驶担心整花耳机

总结:
由于呢款Hi-End耳机所配嘅8.5mm铍製动圈单元,以及耳机线起用镀银线芯,所以相对地高音音色会更通透俐落,并令整体音场会更具空间感,尤其试听容祖儿版〈这幺近那幺远〉及Adam Levine版〈Lost Stars〉,更加凸显到呢种声音风格。之但係呢款耳机对其他类型嘅音乐都表现得游刃有余,例如电影《鼓动真我》主题曲〈Whiplash〉嘅交响乐、 Muse新歌〈Mercy〉嘅rock song都係声效快上快落嘅类型,如果后者低频可以更为突出同更有动态,就的确可以令耳机成为近来市面其中毒性最强嘅一款。

Campfire Audio Lyra基本规格:
频率响应:8Hz-28kHz
单元:8.5mm动圈
阻抗:17ohms
输出音压:110dB
总谐波失真:<0.5%
耳机接头:镀金MMCX
线材长度:1.35m
重量:11.5g

查询: ECT (电话: 3188 0767)

定价: $5,980

最新图文推荐